Lirik lagu TARJOLLUNG – Trio Ambisi

TARJOLLUNG
artis Penyanyi: Trio Ambisi
Label: CMP RECORD

Lirik lagu TARJOLLUNG – Trio Ambisi

Mansai godang do angka ama-ama,
tarrobung, tarjollung, dung ro tu Jakarta,
holan alani si Mofianna

Lupa do sudena na tinggal di huta
anak dohot boru rodi pahompuna,
molo dung jonok si Beloria

Hape dipaborhat do halak Amanta
mardongan tangiang, mangan naniura
asa boi horas martiga-tiga

Suda do digadis manuk dohot bibi,
hambing dohot babi rodi lombu jonggi,
asa boi sahat ro tu Jakarta

***
Nunga tung godang sian hitaan
digoari ama-ama na so tarpinsang
Asal ma bolas sahat ro tu Jakarta
didok ma na laho marsipangomoan

Turun sian kapal di Tanjung Periuk
gabe marhatepor matana sai momar
Pintor mangirditi do urat ni pat na

Hape naung adong do
mangintip amanta siboru najogi
na ro manjonohi
Pintor mallobok tarontok ni amanta
dibondut ijurna alani ulina
Ro muse si boru hundul dilambungna
huhut do sai mengkel
didok ma hatana
o..ya baru datang pak..
dari Sumatra

Burju do siboru manghindat komporna
dijou ma teksi borhat ma nasida
laos gabe lao padua-dua
Rodi tonga borngin nasida marpesta
hape so diboto razia di Kota
hona tangkup ma halak amanta

Pintor dipareso kartu pendudukna
disungkun muse ma sude karejona
Hape na pangula ni huria

Mengkel si Polisi mamereng amanta
topat halak hita marga Situmorang
amang ilakki, ima hatana

melody…

Mulak tu ***

Interpesentasi TARJOLLUNG – Trio Ambisi :

lagu ini sarkasme terhadap orang batak yang berada di perantauan yang kadang-kadang tidak tahu posisi, jabatan atau lainya saat ini dimana tidak sesuai kadang kadang bersama dengan tidakanya. Lagu ini mengajarkan kita untuk tahu diri agar berbuat baiklah dengan Sewajarnya.