Buku Ende No. 102 O TONDI PARBADIA BONGOTI Buku Logu No 206 – Lirik lagu BE HKBP Bahasa batak

Buku Ende No. 102 O TONDI PARBADIA BONGOTI Buku Logu No 206 

1
O Tondi Parbadia i, bongoti rohanami be, ro Sipatiur roha.
O Sondang sian Surgo i, sondangi rohanami be, tu halalas ni roha.
Asa masa patupahon pinodahon ni hataMu
Sai tu hami ma rohaMu.
2
Ho do silehon roha i, di nasa na porsea i,
tumpahi rohanami; Patogu rohanami be,
pasar hataM tu sasude, sai tong dongani hami.
On pe sude, parrohaon, hatuaon lehononMu
Sipujion do goarMu.
3
Sai pargogoi ma hami on, mangihutihut hataMon
di pardalanannami. Haporseaonnami pe
tambai tung masa aha pe, na bernit taononnami.
Tatap, tatap sude hami, rohanami pasonangkon
hajolmaon hamonangkon.
4
Sungguli hami on sude, huhut paburju hami be
mangalo dosanami. Papir ma tondinami on,
papos ma rohanami on di paraloannami.
Gohi, gohi rohanami asa hami mambolongkon
losok dohot halembaon.
5
Ho batu mamak na togu, na tau ojahan situtu,
paojak rohanami; Tu hata hasintongan i.
Tung unang olo lilu be, nang sada sian hami.
Lehon roha na tumogu na umburju manggoari
Jesus Kristus Tuhannami.
6
Pangapul sian surgo i, songgopi rohanami be,
pasaor dameM tu hami. Pamalo hami on tongtong
mamboan roha na holong, di angka dongannami.
Dao ma bada dohot hosom ingkon tongtong sonang hami
mandalani dalannami.
7
Parbadiai ma hami on, huhut patogu ma tongtong,
torusi rohanami; Tanggali sian hami be
huhut pabali sasude na tau mangago hami.
Taiti hami tu na sonang na di ginjang sumangkaphon
hangoluan, hasangapon.

Arti Terjemahan Buku Ende no 102 kedalam Bahasa Indonesia

1
O Roh Kudus, masuki hati kami semua, datang sipenunjuk arah
O Cahaya dari surga, teragi hati kami semua, kegembiraan hati
Supaya bisa menyediakan tempat untuk FirmAnMu
selalu untuk kamlah HatiMu
2
Engkaulah sirendah hati, di seluruh yang percaya
jamah hati kami, mempererat hati kami semua
Pasar FirmanMu kepada semua, selalu temani kami
ini pun semua, pemikran, kemuliaan Engkau Berikan
Si pujian namaMU
3
4
5
6
7
….